خريطة عواطفي ..!!

.





[ إشتياقي ] هو من الله لا تغيب
............... كل من غابوا هَلَه .. أصبح غريب

وآنا من كثر الحنين اللي عطيت
............... إنكسر بي, .. كلّ درب ٍ [ للحبيب ]

صرت أحاول ... آتخيلني معاك
............... صرت أخاف يقولوا: ليش أنتَ كئيب

صرت أجامل وإبتساماتي تقول :
............... وينها [ عيونك ] ... يجاوبني النّحيب

من كثر حلمي, عشقت المستحيل
............... والأماني .... بس أماني .... ما تطيب

إنْ تباعدنا .... كلامك لي : تعال
............... وإنْ دنا الموعد ..... مَعَ المغرب تغيب







.

.





هاتي يدك .. فوق الفضا نبني الخيام
............... نقطف من النّجمات [ نظرة عاشْقَين ]

نلغي القمر نلغي الشمس نلغي الملام
............... نرسم على .. خد السما / قطرة حنين

إنت ِ وأنا قصة هوى ... فيها زحام
............... وحدي وأحس إنّك معي ./ في كلّ حين

لا تقفلي, [ الشباك ] .. قبل المستهام
............... يحضن يدينك .... يلمحك تحضنك عين

من كثر حبك صرت أشك إنّه غرام
............... هذا سحر .... [ سجْان ] وجنونه سجين

يا زينها دنيا .... خذتنا .... للغمام
............... هْناك ... ما فيها ... حَسَد .. لا عاذلين

لا عيون ترقبنا ... ولا بعض الكلام
............... وأقول [ أحبك ] .. حب في طبعه / مكين








.

.






كل الأماني .. في غيابك .. ثواني
............... ماتت قبل .. [ ميعادنا ] .. وإستراحت

يعني غرستي [ خنجرك ] بالمحاني
............... كفي دِما .... من قهرها الشْهب طاحت

ضاق الفضا \ وشلون ضيق المباني
............... وشلون صدرك ./ لو يضيق .. وتناحت

عنه البشر \ وأصبحتي كنّك مواني
............... أخفى معالمها .. [ البحر ] ... يوم لاحت

أكفانها .. والشمس / قالت : زماني
............... يرثي ... [ بلابل للشجن ] ... يوم ناحت

هذا أنا .... في غيبتك ... والغواني
............... ما تغني عن [ محبوبتك ] .... كان راحت









.

.




قيدي تعب منّي .. وحلمي كآبه
............... كل المواجع ... [ مستظلّه ] بروحي

ولو بعد فتره ..... تمر السحابه
............... على جروحي ... ما تصَحي جروحي

بعض المطر, يشبه كثيره سرابه
............... مثل الهوى, يطعن بصدري / طموحي

وش حيلتك / لا صار دنياك غابه
............... لا الصمت يوحي, لك ولا البوح يوحي

أمسي مثل هاليوم نبضه [ تشابه ]
............... قيدي, يزيد ... ومات به ... كلّ بوحي







.

.





صبحي غيابك .. سكر أبواب الأمل
............... طال [ إنتظاري ] مال غصني للذبول

جف الربيع, وجا الخريف .. المحتفل
............... وإنت ِ غيابك كـ الشتا أقسى الفصول

فصلك مُخيف / أخاف لو طاح الجمل
............... تكثر ... سكاكين الغدر ./ صمتك يطول

أنت ِ وأنا [ قصة جفا ] .. بعد الوصل
............... سافر ..\ وضيّع ما عرف درب الوصول

دامه تركني .. [ الجزا بجنس العمل ]
............... ضايع .... وضيّعني .... إنجرفنا للسيول

والشمس \ طاحت .. وأستقرّت بالسّهَل
............... والصبح \ [ مترسب ] على حضن الخمول







.

.






مريّت في, [ غفله ] من الحَيّ القديم
…………… مذهول كنّي, ... داخل ٍ لي ... مقبره

شفت الشوارع والشجر ../ ليل ٍ بهيم
............... تاليه .... مثل أوّلْه ... حزني, بعثره

ذكرى الوصل ذكرى الفراق المستديم
............... شفته ... بشهب رمالها ..\ المستنفره

حبيبتي وإنْ قلتها .. الواقع / [ هشيم ]
............... جَفْت ... عقارب ساعتي ... المتعَثره

يا وجهها اللي :/ للسما .. أصبح سديم
............... ما تكفي فيه .\ أشعار [ قيس وعنتره ]

الله ... يا حيّ ٍ جمع .. فرح ٍ | وضيم
............... تَرَكنا ... ما خَلا ّ [ رجا ] \... للمغفره

عَلّق على ليل, [ الرياض ] إحساس ديم
............... راح العمر ... ما جتنا ... غيمه مُمطره







.

.




في مدينة حُبنا ..
زحمه وشوق ..
والعروق ..
صابها من كثر خوفي
إختناق ..!!
من عواذل ..
أو عتب
وإلاّ فراق ..
والشوارع ..
غربه في كلّ إتجاه ..!!
لا أماني ..
أو معاني ..
فيها من طعم الحياه ..!!
الزمن عاري ..
ووَرّث ..
من جروحه لي عتيم ..
والغرابه ..
الجرح نفسه ونزفه ..
لي معه وعد ٍ قديم ..

*****

يا سوالف ..
طمني بعضي
على بعضي ..
وودي ..
للنحل أحلى رحيق ..
قولي : إنّي ..
ما عرفت إلاّ الفَرَح ..
وإنّ قلبي ما شكى
ولا إنجرح ..
والطريق ..
قولي : واسع
حتى لو كانت ضلوعي
تختنق منّه ..
تضيق ..
وإستمري بالحكي
كيف أشتكي ؟!
والزمن عاري ..
وورّث
من جروحه لي عتيم ..
والغرابه ..
الجرح نفسه ونزفه
لي معه وعد ٍ قديم ..

*****

لا جديد ..
في عيوني ..
ألف صوت ٍ للحزن
وألفين بيت ..
حَطمت أسوار عشقي ..
والمدينه ..
تحتضر حيّ ٍ وميْت ..
وللجثث فيني نحيب ..
من وداع ..
وإلاّ ذكرى ..
من فراق أغلى حبيب ..!!
كيف أغيب ؟!
عن وجيه مْن الشجن
دايم تطيح ..
تنتظر ..
في وجهها [ برد ٍ وريح ] ..
يا خساره ..
ذا [ يموت ] وذا [ جريح ] ..
والزمن عاري
وورّث
من جروحه لي عتيم ..
والغرابه
الجرح نفسه ونزفه
لي معه وعد ٍ قديم ..







.

.






دثري .. بعضي .. على بعضي .. رُقي
............... رَيّحيني ... \ مِنْك .... أتعَبني .... الرّهَق

لا .. تزيديني ... ترى ... مابي ... بِقي
............... مِنْه .. لَحظه .. وينتهي .. بصدري, الشّهَق

كلّ ... [ غَفلة أمنيه ] .. / لو .. مَنطقي
............... ما ... تبعها .... كان ... منها .... المُنطَلَق

للحياة ... اللي : .. لها ... في .. مشرقي
............... إبتسامة .. شمس .. ما ... تخشى ... الغَرَق

لكن ... [ الماضي ] / ... ظِلاله ... يتقي
............... كلّ ... بسمه ... / بالفعل .. لو .. ما .. نِطَق

لو .. تصَنّعت .. [ الفَرَح ] .. ما .. تلتقي
............... نظرَة ... العُشاق .... والمَركِب .... [ وَرَق ]








.

.







مشغول بـ إحساسْ , داهم لي سْباتي ..
شمسي , تبي ظل ..
ومن حولي , اليأس ..
لا تجرحي , قيدي .. أصابعي , خوف ..
لا , تكسري بابي ..
الموت , مكشوف ..
يا خطوة الغربه ..
سافرتْ , مثل النّاس ..
لا , تزعلي منّي ..
باقي , معكْ أنفاس ..
ياللي : وَعَدْك هموم ..
وتقول : ما أدري ..
حاولت مَعْ صَبري , ما طاعني , صَبري ..
واخترت , أسافر يوم .. !!

* * * *

أستعجلكْ وأشتاق ..
وتستعجليني , غياب ..
وأكتب لك الكلمه ..
وتعود لي كلمه ..
مْعَلّقه .. بـ [ فراق ] ..
وأضمّها فيني ..
تشهق , شراييني ..
ويمرني غيري , وأموت من ناري ..
قسا .. على أزهاري ..
حامل مَعَه , طيري ..
ودمعي , يشق أوراق ..
ياللي : وعَدْك هموم ..
وتقول : ما أدري ..
حاولت مَعْ صبري , ما طاعني صبري ..
واختَرت , أسافر يوم .. !!

* * * *

خيانتكْ تختال , مثل البَحَر والموج ..
ومابه يباس إلا ّ :
[ في قلبي , الموجوع ] ..
وآهات شوقي , مِلحْ ..
واللي : بدا بي جَرحْ ..
واللي : انتهى بي جَرحْ ..
ما به , رمل مينا ..
ولا , دليل رْجوع ..
ضاعت أمانينا , مِنْ كَفّها المرفوع ..
تْلَوّث خيانه .. وأهداني أكفانه ..
مِنْ خنجره المسموم ..
ياللي : وعَدْك هموم ..
وتقول : ما أدري ..
حاولت مَعْ صبري , ما طاعني صَبري ..
واخترت , أموت اليوم .. !!








.